Сайхан амраарай 80-н шүлэг

Сайхан амраарай 80-н шүлэг

Цэлмэг тэнгэрт саран авхай гарч
Цэнгэлдэн бүжсээр одод чууллаа
Цэцэг навч дэлбээгээ хумиад
Цэнхэр дэлхийд шөнө иржээ...
Сайхан амраарай гээд л энд тэнд нь орчихсон байгөө байгөө

1.
Хүнд хүний хайраас илүү
Хэрэгтэй зүйл гэж энэ хорвоод үгүй болохоор
Хайр нь чамайгаа сайхан амраарай гээд
Хацар дээр нь зөөлөн үнсье...

2.
Сарны туулай үлгэрт амьлах шөнөөр
Сайхан чинийхээ гоо биеийг тэврэн
Сарнайн өнгөт уруулыг шимэн
Сархад балийн амтыг зэрэг мэдрье зүүдэндээ...
Сайхан амраарай

3.
Дугариг саран манхайжээ
Дууч одод чуулжээ
Дурлалт залуугаа зүүдлээд
Дуг нойрондоо автадаа чи минь...

4.
Хосоор гэрэлтэх одод тэнгэрт гялалзаад
Хорвоогийн нэгэн шөнө айлчлан иржээ
Хонгорхон чи минь хөнжилөө хучиад
Хосгүй сайханыг зүүдлэн нойрсдоо...

5.
Сайхан чи минь орондоо ор доо
Саруулхан намайгаа зүүдлэн хоноорой
Сар жаргатал тавтай нойрсоорой
Нар мандтал сайхан амраарай...

6.
Нарны гэрэл аажимаар сарниад
Намуухнаар мишээсээр саран гарч
Нөмгөн цэнхэр орчлонгийн
Нэгэн шөнө айлчлан иржээ...
Сайхан амраарай

7.
Од одондоо дурладаг юм
Очиж уулзахыг хүсдэг юм
Нарнаас тэд ичдэг юм
Намуун шөнөөр учирдаг юм...
Сайхан амраарай

8.
Хөх тэнгэр өнгөө сольж
Хөвөн үүлс бараан болжээ
Та ч гэсэн гэрлээ унтарааж
Тавтай сайхан нойрсоорой...

9.

Тунгалаг одод тэнгэртээ гялалзаж
Талын монголд шөнө ирлээ
Танхил чи минь орондоо орж
Тансаг мөрөөдлөө зүүдлээд
Тавтай сайхан нойрсоорой...

10.
Амгалан сарыг атаархтал нойрс
Анивчих оддыг алмайртал зүүдэл
Алтангадасыг гартал үнэгчил
Алаг дэлхийг уяартал эрхэл...
Сайхан амраарай

11.
Зүүд нойрондоо аз жаргалаа мөрөөдөн
Зүрх сэтгэлдээ амраг хайртыгаа бодон
Зовлон бэрхшээлийг умартан мартаж
Зөөлөн хөнжилдөө тавтай нойрсоорой...

12.
Нар хичнээн гийлээч жаргана
Бороо хэдий асгарлаач зогсоно
Шөнө хэдий болсон ч өглөө болно
Тэр өглөөг үргэлж сайхан угтаарай...
Сайхан амраарай

13.
Сартай шөнөөр салхи сэвшиж
Саруулхан хорвоод шөнө иржээ
Итгэл сэтгэлээ дэрлээд
Инээд хөөрөө нөмрөөд тайтай нойрсоорой...

14.
Оддоор үл дутах тэнгэрийн зарлигаар
Орчлон дэлхийд шөнө айсуй
Сэрэмгүй зүүдээ сэтгэлдээ тээгээд
Сэрэн сэртэлээ сайхан амраарай...

15.
Хөвсгөр зөөлөн хөнжилөө хайраа бодож нөмрөөд
Хөөрхөн зурагтай дэрээ хайраа бодож дэрлээд
Гэрэлт сарны дор
Гоё зүүд зүүдлээрэй...

16.
Огторгуйд оддын дунд саран гийж
Орчлонгийн амьдралыг чимээгүйхэн ширтэнэ
Оройн үдшээс өглөөний нөрөн мандтал
Одод тэнгэртээ гагцхүү чамайг л хүлээнэ...
Сайхан амраарай

17.
Хан хорвоо чамд үлгэр шивнэж
Хатан дэлхий чамд бүүвэйн дуу дуулахад
Хаа нэгэн газар
Хэн нэгэн чамайг зүүдэлж
Харин чи тэр үед дуг нойрондоо дугжирна...

18.
Бүх зовлонгоо зүүдэндээ мартаад
Бүрэнхий орчлонд тайван нойрсоорой
Өөдрөг мөрөөдлөө зүүдэндээ үзээд
Өглөөний нарыг өөдрөг угтаарай...

19.
Сэтгэл сэвтээсэн дурсамжаа мартаж нойрс
Сэмхэн догдлох зүрхээ чандлан нойрс
Сэрж яваа амьдралаа зөгнөж нойрс
Сэтгэл дүүрэн ирээдүйг угтаж нойрсоорой...

20.
Би чиний зүүдэнд очиж хайрын дуу дуулж өгье
Би чиний зүрхэнд хатан сарнай болж ургъя
Өнгөт хорвоод
Өглөө иртэл сайхан амраарай...

21.
Зөөлөн дэрээ толгойдоо эвж
Зөгнөлт хүслээ зүрхэндээ даатгаж
Зөв гараараа зүрхээ дарж
Зөвхөн хайрыгаа зүүдлээд сайхан амраарай...

22.
Зүрхэний хаалгыг тогшсон
Зүүдний минь гол дүрийг бүтээсэн
Зүйрлэшгүй аз жаргалыг бэлэглэсэн
Зоргоор танхил насанд минь учирсан чи минь
Зүүд бүхний жаргалтайг зүүдлээд
Уул дэрлээд оддоор хучиад
Балын амтат нойрондоо умбаад
Багын гэнэн цайлган инээмсэглэлээр үнэгчлээд
Тайван сайхан амраарай...

23.
Түмэн одод тэнгэрийг эзлэн
Түнэр харанхуй орчлонг нөмөрлөө
Саран авхай бүүвэйн дуугаараа
Сайхан амраарай гэж өгүүлнэ...

24.
Зүүд нойрны тансаг орноор
Зүүрмэглэн аялахдаа сөрөг бүхнийг мартаад
Зөгнөл, мөрөөдлийн ертөнцөөр тэнүүчлэхдээ
Зөөлөн дэрээр нөхрөө хийн тавтай сайхан нойрсоорой...

25.
Түнэр харанхуйгаар дэвсгэр хийж
Түмэн оддоор хөнжил хийж
Тэргэл сараар дэр хийж
Зүүдний мөнгөн ертөнцөд тавтай нойрсоорой...

26.
Саран дээр бүжиж ододтой наадан
саруулхан зүүдэндээ хайртыгаа хараарай
Олноос олон хүслээ түүндээ шивнэж
Орон дээр биш үүлэн дээр нойрсоорой...

27.
Борооны дараах солонго
Бодолд татаад нойрсжээ
Борхон хөөрхөн болжмор
Боорцог зүүдлээд унтажээ
Болор тунгалаг саран оддоо бүүвэйлж манхайжээ
Ботгон нүдэндээ ирээдүйгээ төсөөлөөд амардаа...

28.
Оддын мөнгөн цацрагийг дэрлээд
Орчлонгийн нэгэн шөнийг үддээ
Нойрмогхон нүдний чинь зовхин дээр
Нойтон уруулаараа сэм үнсье...
Сайхан амраарай

29.
Мөнгөн одод тэнгэрт гялалзаж
Мөрөөдөл хүслийг тань сонсоод ирлээ
Сэтгэл зүрхээрээ шивнэсэн хүсэл тань
Сэрээд харахад чинь биелэсэн байг...
Сайхан амраарай

30.
Саруул талд наран жаргана
Саран авхай тэнгэрт наадна
Сэрэмгүй зүүдэндээ хайртыгаа зүүдлэн
Сэрэн сэртэлээ сайхан нойрсоорой...

31.
Дурлалын хотод бороо шивэрч
Дуу шиг уянгалаг шөнө айсуй
Мөрөөдөх чөлөөгүй өдөр өнгөрч
Мөнгөлөг сайхан шөнө айсуй...
Сайхан амраарай

32.
Сая сая сарнайг ор болгон дэлгье
Сайхан цайлган сэтгэлээ дэр болгон илгээе
Хөвсгөр цагаан үүлийг хөнжил болгон хөврүүлье
Харин чи минь хамгийн сайхныг зүүдлээрэй...

33.
Огторгуйн саран тэнгэрт мэлтийн
Орчлон ертөнцийг зүүдэнд умбууллаа
Хүсэл мөрөөдлийн нууцхан ертөнцдөө
Хүссэн газарлуугаа аялаарай...

34.
Шөнийн одод намуухнаар бүүвэйн дууг
Шүлэглэн чихэнд чинь эгшиглүүлэг
Санаа бодлоо үл чилээн
Санаа амар, тавтай нойрсоорой...

35.
Мичид түгсэн намуун шөнөөр
Мөнгөн саранд хүслээ шивнээд
Мөрөөдөж хүссэнээ зүүдэлж нойрсоод
Маргаашийн өглөөг инээмсэглэн угтаарай...

36.
Оддын дундаас дурлалаа хайгаад
Оломгүй ертөнцөд зүүдээр жигүүрлээд
Охин миний зүүдний шилтгээнд
Охорхон боловч саатан зочлоорой...
Сайхан амраарай

37.
Саранд чамайг бүүвэйлээрэй гэж
Салхинд чамайг илбээрэй гэж
Оддод улам гэрэлтээрэй гэж
Орчлонд эргэхээ түр азнаа ч гэж
Зөндөө гуйлаа
Зүүдэнд чинь би дуу дуулж өгье...
Тавтай нойрсоорой

38.
Гэгээн хүслээ зүүдэндээ шивнэж
Гүн нойрондоо тавтай нойрсоорой
Нар тусах гэрэлт өглөө
Ямагт чиний үйлс бүтэмжтэй байг...
Сайхан амраарай

39.
Амар амгалан шөнийн тэнгэр дор
Аниргүй зүүдэндээ автан нойрсоорой
Анивчих одод саран авхайн ивээл дор
Аз жаргалаар дүүрэн сайхан нойрсоорой...

40.
Уудам огторгуйд хөвөх
Түмэн оддын болор тоос
Ботгон нүдний тань аньсганд чинь
Бөөн амтат зүүдэнд чинь
Бал нэмэх болтугай
Харанхуйг чимэгч тэргэл саран
Хархан нүдний чинь аньсганд
Ханаж барамгүй зүүдэнд чинь
Харж бахдах жаргалыг нэмэх болтугай...
Сайхан амраарай

41.
Аз жаргалын орныг мөрөөдөн
Амтат нойрондоо диваажинг зүүдлээрэй
Амгалан сарыг царайнаасаа мандуулж
Дуу шиг оддоор бүүвэй аялуулж
Дурлалын завиар хөвөн наадаад
Дууч шувууд дуудан сэртэл
Дулаан хөнжилдөө сайхан нойрсоорой...

42.
Чимээгүй одод үүлс дэрлэн
Чимэгтэй одод бүүвэйн дуу аялахад
Бороон дусал цэцэгсийн дэлбээг үнсэж
Болор мөнгөн зүүдэндээ амгалан нойрсоорой...

43.
Одод чуулахад зүүдэндээ уулзъя
Орчлон гэрэлтэхэд зүрхэндээ уулзъя
Саран мандахан сэтгэлдээ уулзъя
Сайн найз чамтайгаа шүлгээрээ л уулзъя даа
Сайхан амраарай...

44.
Саруул шөнийг урин дуудсаар
Саран авхай тэнгэрт гарлаа
Сэтгэл зүрхэндээ сайн сайханыг бодон
Сэрэн сэртэлээ сайхан нойрсоорой...

45.
Уруул дээр чинь удаан үнсье
Учрах маргаашийг зөгнөн үнсье
Амгалан шөнийн сарыг дэрлээд
Амттай зүүдэндээ умбан нойрсоорой...

46.
Сар нь оддоо бүүвэйлэг
Сэтгэл нь зүрхээ бүүвэйлэг
Хайр нь дурлалаа бүүвэйлэг
Харин чи минь унтаагүй бол
Хайр нь чамайгаа бүүвэйлье...

47.
Огторгуйн эзэн, оддын гэгээ нь
Орой бүхэн чам дээр тусаж
Жаргалын эзэн хайрын тэнгэр нь
Заавал чамайг онцолж ивээг...
Сайхан амраарай

48.
Тэнгэрт аялах ододтой хамт
Тэнгист зугаалах сартай ханьсан
Зүрх сэтгэлдээ мөрөөдлөө шивнэн
Зүүд нойрондоо автаарай...

49.
Зүүдэнд чинь би ирээд явлаа
Зүгээр ч үгүй бас үнсээд явлаа
Зөндөө хараад үлдэх шахлаа
Зөвхөн минийх гээд шивнээд явлаа...

50.
Зүүдэнд минь ирвэл зөөлөн үнсье
Зүрхэнд минь ирвэл зөвхөн чамайг хайрлъя
Үнэнч явна гэдэг ухааны чинь хэмжүүр
Үргэлж хайрлана гэдэг сэтгэлийн чинь хэмжүүр...
Сайхан амраарай

51.
Шөнийн одод намуухнаар бүүвэйн дууг
Шүлэглэн чихэнд чинь эгшиглүүлэг
Санаа бодлоо үл чилээн
Сайхан амраарай миний найз...

52.
Ангир шар наран өдөржин эргэж
Алтанзул шиг одод шөнөжин хотолсон энэ л үдэш
Амттай зүүдэндээ автан
Амгалан сарыг атаархтал нойрсдоо...

53.
Хайр нь чамайгаа зүүдлээд
Харанхуй шөнийн аялалдаа гарлаа
Хайр минь намайгаа зүүдлээд
Хан хорвоогийн өглөөг угтаарай...

54.
Од харвах тэнгэрийг ажиглаж
Орчлонд мишээх сарыг харж
Энэ өдрийг инээмсэглэлээр үдэж
Ирэх маргаашыг эрч хүчтэйгээр угтаарай...

55.
Зүүдэндээ би чамтай учирлаа
Зүсийг чинь үзээд гайхан биширлээ
Зөрөөд өнгөрөмгүй охин чамтай
Зориг гарган танилцалаа...
Зүүдэндээ учръя

56.
Мөрөөдөл, хайр байхгүй бол
Маргааштай учрах уйтгартай
Магадгүй чи өнөөдөр гунигтай байвал
Маргаашийн төлөө инээмсэглээрэй...
Сайхан амраарай

57.
Одод тэнгэртээ гийж
Орчлонг шөнө нөмөрчээ
Ор чинь чамайг хүлээж байна
Одоо унтаж амардаа...

58.
Зүүдэнд чинь би дуу дуулж өгье
Зүрхэндээ хоногштол чагнаарай
Сэрхэд чинь би шүлэг зохиож өгье
Санаандаа хоногштол цээжлээрэй...

59.
Тэнгэрийн од түгэж
Тэргэл саран манхайжээ
Цэцгийн дэлбээ шиг торомгор нүдээ аниад
Цэнгэлийн сайханыг зүүдлэн нойрсдоо...

60.
Зүрх сэтгэлийн минь эрхэм гүнж
Зөн совингийн минь ариухан дагина чи минь
Зул мэт үүрд бадамлах хайраа
Зүүд нойрондоо ч нандигнаж яваарай...

61.
Намрын шөнө цаанаа л жиндүүхэн
Навчис унах нь нэг л гунигтай
Намууханаар оддыг ширтэн суугаад
Намайгаа зүүдлэн нойрсдоо гэж чамдаа шивнье...

62.
Болорын өнгөт түмэн оддыг ширтэн суугаад
Бодолд автан чамайгаа мөрөөднө
Богинохон хугацаанд чамдаа дасал болчихоод
Борхон зүрх минь чиний л төлөө цохилоно...
Сайхан амраарай

63.
Сүүмэлзэх одод тэнгэртээ бүжиж
Саран авхай орчлонг гэрэлтүүлэхэд
Сүүтэй цагаан зүүдээ
Сүслэж сайхан амраарай...

64.
Эрхэмсэг наран жаргажээ
Эрх саран манхайжээ
Ижилгүй энэ орчлонд
Ирмүүн шөнө айлчлажээ...
Сайхан амраарай

65.
Угтан авах маргаашийн өдөр тань
Учрал дүүрэн, итгэл төгс байг
Үдшийн бүрэнхий болжээ унтаж амраад
Үүрийн туяаг тосон мэндчилээрэй...

66.
Алс холын салхины сэвшээгээр
Аядуухан бодлоо чамдаа илгээе
Аниргүйхэн үдшийн гүн нойронд чинь
Амгалан шөнийн мэндийг хүргье...

67.
Налж суугаад зөөлөн тэвэр
Надад хайртайг чинь мэдрэх гэсийн
Намуухнаар хайрын дуу аяла
Насан туршидаа энэ үдшийг дурсаж явах гэсийн
Нүдрүү минь ширтээд хөөрхөн гэгч нь инээмсэглэл
Нойрсож байхдаа ч чамайгаа зүүдлэх гэсийн...
Чихэнд чинь сайхан амраарай гээд зөөлхөнөөр шивнье
Чинийх гэдгээ мэдрүүлэх гэсийн...

68.
Эрхэс тэнгэртээ саран авхай ододтой ярилцана
Эгэлхэн амьдралдаа би чамтай л учрахыг хүснэ
Энэхэн эгшин зуурын хүслийн их далай дээр
Эргэх хорвоогийн нэгэн шөнө айлчлан ирнэ...
Сайхан амраарай

69.
Цэлмэг тэнгэрт саран авхай гарч
Цэнгэлдэн бүжсээр одод чууллаа
Цэцэг навч дэлбээгээ хумиад
Цэнхэр дэлхийд шөнө иржээ...
Сайхан амраарай

70.
Үнсэхийг хүссэн уруулаас чинь сарны гэгээ асгарч
Үгүйлэн санах зүрхнээс минь оддын туяа цацарч
Итгэлийн цэнхэр нуурнаа хөвөн, нисэх хос хун шиг
Энхрий минь намайгаа зүүдлээд тавтай сайхан нойрсоорой...

71.
Одод тэнгэртээ саатан үлгэр ярьж өгье гэнээ
Орчлонг аниргүй нөмрөн чимээ үл гаргъя гэнээ
Зөөлөн хөнжилдөө шигдээд тавтай сайхан нойрс гэнээ
Зүрх минь чамайг харъя гээд зүүдэндээ чамайг уръя гэнээ...

72.
Намуун үдэш айлчлан иржээ
Нандин гэгээхэн хүслээ бодоод
Уянга дуу эгшиглэх нойрны ертөнц рүү
Уртаас урт амтат зүүдэндээ хөтлөгдөн унтдаа...

73.
Одод түгжээ зүүдэндээ уулзъя
Орчлонд чамтай зүрхээрээ уулзъя
Нар мандахад мсж-р уулзъя
Намуухан үдэш болзоондоо уулзъя...
Сайхан амраарай

74.
Орой болгон бичдэг шүлгэнд минь
Одод хүртэл дурлаад байх юм
Ододтой цуг чи минь сонсохгүй болохоор
Одоо л хэлмээр байна сайхан амраарай...

75.
Мөнгөн саранд хүслээ шивнэж
Мандах наранд амьдралаа даатгаж
Өглөө бүрийг өөдрөг угтаад
Өөртөө итгэлтэй яваарай...

76.
Шөнийн одод мөрийг чинь түшээд
Шүүдэрт норсон цэцгээ тэвэрлээ
Үдшийн саран хацрын чинь туяанд
Үлгэрийн гэгээн оддоо хучлаа...
Сайхан амраарай

77.
Ажил бүхнээ амжуулсаар
Алжааж ядарсан байлгүй
Эрч хүчээр дүүрэн
Ирэх маргаашийг угтахын тулд
Танхил оддын зөөлөн анирт
Тавтай сайхан нойрсоорой...

78.
Бүжин сарны зөөлөн анирт зүүрмэглэн
Бүлээн шөнийн энхрийлэлд сартай хамт нойрсоорой
Аз жаргалын хаалгыг зөөлнөөс зөөлөн тогшиж
Амьдралд ирэх маргаашыг шив шинээр угтаарай...

79.
Орчлонг бүүвэйлсэн сарны доор
Оддоор бүрхсэн тэнгэрийн доор
Зүйрмэг сарны гэгээн доор
Зүүдээ манаад сайхан нойрсдоо...

80.
Учирсан нөхөрлөлөө мөнхөд санаад
Унтаж амардаа миний найз
Уулзахын гэгээн хүслэнгээр
Учран золгъё зүүдэндээ...

Энийг уншив: Сайхан амраарай 80-н шүлэгжиргэе!